"Vapa dhe fresku konsensual i Tiranes"

Si pa pandehur erdhi ky zheg i nxehte kesaj vere. Te papergatitur na gjeti, aty "te gozhduar" perpara ekraneve duke ndjekur Europianin. Atje larg ku zhvillohet, sa ne Polonine e "kinezeruar" tashme, deri ne Ukrainen e "bishtalecit" opozite ne burg. Por tani qe ky europian po ul siparin, nuk na mbetet gje tjeter vecse kolektivisht t'i bejme balle kesaj vape. Anipse ajo do bej te sajen, ashtu sic erdhi do shkoje. Me plus-minuset e saj me temperaturat e cdo dite. Nejse kjo vape ka dhe stinen, por si do t'ja bejme ne kesaj "vapes" sone te perhershme, qe te djeg dhe te vapos me shume ne hije se sa ne "sy" te diellit.

E kam fjalen per te "nxehtin" e Tiranes, qe vjen nga gjerat qe ndodhin cdo dite ne te. Kjo edhe pse ne qytetet e tjera ndoshta eshte me vape, po si kjo e Tiranes nuk djeg. Jane ato qe serish preokupohen me shume per te, madje duke u vaposur me shume vete. Eshte serish ky i nxehte qe une e ndjej me shume se kushdo. Ai qe une e ndesh dhe i bej dallimin, pothuajse nje here ne dy dite qe me bie rasti te kapercej Mbikalimin e Kamzes. Edhe pse eshte po ai i nxehte, nuk djeg sa ky.

I nxehti i Tiranes ka nje kurs te caktuar prej nga vjen temperatura. Bulevardin. Ajo gjatesi qe me motorr pershkohet ne me pak se 4 min. Dhe me makine ndoshta 2 ose 3 here me shume. Pra aty ku gjerat ndodhin ne me pak se 10 min. Kaq minuta i kushtojne kryeministrit te vendose per 3 monumente. Po per kaq minuta Ambasadori Amerikan vendos te bllokoje bulevardin per nje feste Amerike. Po per kaq minuta kryetari i opozites vendose cadrat e tij per te protestuar. Akademia e Shkencave te mos ftoje themeluesin e nocionit ne shqip "Akademik", Rexhep Qosjen. Institutit te Gjuhesise te up-date gjuhen shqipe me te tjere shkronja nga gjuhet indo-europiane. Po kaq edhe historianit Beqir te shpalle ditelindjen feste kombetare. Ka lindur Beqiri, kuptoni. Dhe po kaq Aurel Plasarit te urdheroje vendosjen e librit te tij ne bibloteken kombetare.

Te mjaftueshme minutat per dikur Shpetimin e PS-se dhe tani te cameve, qe se bashku me Dashin e Havase te shpenzojne cdo vit 1 mln euro per te veshur me "Cameri" bulevardin. Dhe ashtu si heqja e tyre prej bulevardit, po e njejta edhe heqja e nje skorte presidenti per cdo mengjes. Presidenti i Tiranes dhe gjithe Shqiperise, z. Topi nuk do ta pershkoje me me sirena bulevardin. Dhe polici i rrugores Uke prej Tropoje, nuk do na i blllokoje me dy anet e Lanes duke nderuar presidentin, duke marre prej tij pershendetjen falenderuese "i pari shtetit - polic".

Kjo sepse Bujari President eshte duke e kapercyer me nje "vrap te lehte" bulevardin, nga Ministria e Rendit per ne Presidence. Ne kete bulevard ku pak para disa kohesh u perleshen dy nocione te lira te nje demokracie. Njera gjasme per familjen (islamiket) dhe tjetra ne tentative nga LGTB-ja. Ne kete bulevard qe me se fundmi kemi nje katedrale besimi, ortodoks. E peruruar po ne nje dite te nxehte, si kjo. Ne kete bulevard ku Tasha vazhdon te shese paketa cigaresh, ne nje banak te improvizuar te cpuar nga plumbat e demonstrates nje vit e gjysem me pare. Prej nga nisi dhe pret burrin nga Kazakistani si punetor krahu, aty ku nderton Bexhet Pacolli.

Ne kete bulevard qe per 3 ose 4 min e pershkoj cdo dite me motorr, edhe kur nuk kam pune, ngaqe me pelqen. Ne kete bulevard ku Bimi, punonjesi i bashkise per parkingun, ankohet se i parkoj ne trotuar dhe jo ne korsine me pagese. Harrova, edhe i "bad boys-ave" te ardhur nga veriu, qe te ofrojne sherbimin "gjetje parkingu pa lodhje", ne kembim te blerjes se nje pako camcakizi.

Kaq mjafon per ta quajtur vape. Zagushi. Cdo njera prej tyre qe permenda me siper eshte nje grade temperature me teper. Dhe po ti numerosh te gjitha, rrezik se nuk ka hije peme qe mund te te gjendet per ndihme. As edhe lisi (harrova serish, lisi i prere tek Galeria). U kujtova per te teksa ndihet ca si me shume temperatura, kur nuk i ben me hije bulevardit ne vendin e vete.

Por ne te vertete ka lisa te tjere ne bulevard. Nuk mund t'i mungojne pemet ketij te fundit. Ja ku jane, aty me tutje, tek Taiwani i Besos nga Ballshi. Edhe pse ne cdonjerin prej tyre "freskohet" ne hije nje doberman, bulldog a rotwailer me te zotin e vete. Race qensh te kuptohemi ose qen race, jo emra ambasadoresh. E di qe keta te fundit i kemi shume "perzemer". Me shume na i shtojne vapen kur flasin capraz, dhe me shume na i sjellin freskine kur duan.

Por nje shprese duket se e ka ky bulevard. Ja tani se afermi do kete tre pllaka te medha per 100 vjetorin. Aq hije do t'i bejne vendit sa vapa e sigurt qe do te ike me gushtin. Pikerisht ne gusht, pasi ne kete muaj priten te vendosen. Ata te tre qe nuk rane dakort sa ishin gjalle me bindjet e tyre, tani po i vendosin prane e prane njeri-tjetrit, per t'u bere fresk. Per te na bere fresk. Te pakten freskun e tyre nuk do na e ndale kush ta shijojme. Nuk do jete si fresku i lisit te prere tek Galeria. Ky ka per te qene fresk. Eshte fresk konsensual. Fresk prej verteti... Ne bulevard!