"Ne pritje te telefonit te nje mengjesi"

Ndricim Xhepa eshte padyshim aktori me i madh i kesaj dekade te fundit i filmit shqiptar. Se bashku me aktore te tjere te medhenje te kohes se tij si Birce Hasko, Timo Flloko, Xhevdet Ferri, Petrit Malaj, Bujar Asqeriu, Matilda Makoci, Eva Alikaj, i ndjeri Agim Qirjaqi, Bujar Lako, Luiza Xhuvani, Rajmonda Bulku, etj., me filmat e tij e coi me tej madheshtine e filmit shqiptar.

Sa here shfaqej sigla me yll te kuq e kinostudios "Shqiperia e Re", dihej qe pas saj do ishte Cimi qe do na magjpste me mjeshterine e aktrimit. Filma te tille si "Une e dua Eren", "Duaje emrin tend", "Hije qe mbeten pas", "Te mos heshtesh", "Flutura ne kabinen time", apo brilanti film "Telefoni i nje mengjesi", na dhuruan nje Cim Xhepa te admirueshem per te gjithe. Nje Cim qe na pushtoi te gjitheve.

Nje Cim te paperseritshem ne llojin e vet, i denje per te pasuruar shijet tona per filmin shqiptar, per te vazhduar magjishem shkelqimin e Kadri Roshit te madh. Sander Prosit. Apo te Reshatit "baba" ne role si ai i Adnan-it tek "Hije qe mbeten pas". Cimi. Cimi. Cimi. Qe vazhdon te na magjise me role te papara edhe pas '90, si tek "Dasma e Sakos", "I dashur armik", "Lindje-Perendim-Lindje". Cimi i magjishem edhe i teatrit. E fundit magji: "Darka e gabuar" e Ismail Kadarese.

Jo pa qellim e lashe per ne fund. Sa here ja permend aktorit Ndricim. Babait te te bukurit Martin dhe te dashures se mbare Bardha, kete rol. Roli i tij brilant perkrah te madhit Bujar Asqeriut ne filmin "Telefoni i nje mengjesi". Jo pa qellim dyshja "binjake" e regjizures Muca-Mitro i besojne rolin e Neritanit. Gazetarit qe edhe sot po ta shohesh te mahnit me realizmin e prekshem. Sepse magji te tilla vetem Ndricim Xhepa arrin t'i realizoje. Ndaj e them me bindje dhe me shume deshire qe na duhen te tilla magji:

Edhe 100 vite i madhi Cim Xhepa! Gezuar ditelindjen mjeshter!

"Ku jane ata?"

Ku jane ata? Sa here na bie rasti te kujtohemi per ata? Pensionistet! Nje here ne vit per "qoken" e qeverise. Per te mesuar vleren e lemoshes. Do te jete sa per te blere nje pule deti apo fushe. Ata qe rrallohen jo prej deshires se tyre. Ata qe zene nje cope toke per te fjetur pergjithmone. Per te mos u sjelle "pengesa" femijeve. Kush do i mbaje. Pastroje. Doktori. Spitali. Ilacet. Ku jane ata? Ata qe votojne qe ne oren 8 sa hapet qendra e votimit. Ceshtje kulture apo jo?! Mjere kujt do t'i lene stafeten... Ata qe cdo dite po ikin. Ndoshta edhe prej stresit dhe mundimit qe femija ngeli pa pune. U divorcua. U sherros. Ata qe nuk do t'i zevendesoj askush.

Ku jane ata? Artistet. Shkrimtaret. Poetet. Piktoret. Sportistet. Edhe ata po shuhen. Kush me jete, dhe me homazhe nderimi, e kush per biznes. Aleanca natyrale apo artificiale me grupet e interesit. Me se shumti me politiken. Madje shkruajne edhe letra-urimi, a thua i lexon njeri testamentet per se gjalli. Ne te dyja variantet po ikin... Po shuhen. Kush do t'i zevendesoje? Ata qe mbahen per artiste pa nje veper?! Ata qe mbahen per sportiste pa shenuar nje gol?! Ata qe ne bote nuk i njeh askush?! I njohim ne... Ndaj them kush do t'i zevendesoj ata? Ata qe po ikin. Do ikin nga kjo bote, me nder!

Ku jane ata? Ata qe na premtuan se ne kete vend do te kishte vec pranvere. Ata qe thane behu me mua se do fitosh si te gjithe. Ata qe u rreken te krijojne 100 e ca parti. Ata qe cahen. Ulerasin. Bertasin. Premtojne. Pozojne. Afishojne. Votojme. Ata qe ne votojme? Kush do t'i zevendesoj? Kush? Edhe per nje profile ne FB duken demode. Te dale boje. Jo per mua. Po per te tjere. Te tjere qe nuk i gjejne neper fletushka poshte dere. Po ne FB. Ata qe te zberthejne ne komente pas emrash: "i verteti apo bjondia zeshkane". Ndaj me vjen vetiu kjo pyetje. Ku jane ata? Kush do t'i zevendesoj? Djali? Vajza? Nipi. Do kthehen enkas nga shkolla e huaj? Apo gruaja? S'po ndodh! Por nje dite do te ndodhe...

Ku jane ata? Elitat. Shoqeria civile. Intelektualet. Profesoret. Doktoret. Shefat. Drejtoret. Kush do t'i zevendesoj. Kush do t'i zevendesoj tani qe raporti i te ikurve me tru ne koke ose ndryshe "emigrimi i trurit" eshte ne shifra alarmante. Ne 10 te ikur kthehen 2. Apo 1. Rrezik fare. Pse te kthehen? Qe te firmosin flete-ankesa? Apo te aplikojne per projekte. I fundit me i kerkuari: dhuna ndaj grave. Ku jane ata? Ata qe kane zgjedhur heshtjen per te mos u rrezikuar kurre nga "truri i ikur". C'kane pse heshtin?! Edhe nese flasin. Protestojne. Nuk i zevendeson askush. Nuk ka tru shume ne qarkullim. Ndaj kur te ikin e sigurt qe nuk do t'u ze vendin askush. "Elita" mbetet elite! Ndaj do rrekemi te themi: ku jane ata?

Shenim. Kur te bej nje kenge per text do marre kete poezi te Teodor Kekos:

"Po ikim ne, kokërënë mbi gjoks,
s'përmendim më klasikë e bëmë të Skënderbeut.
Mbi varr na gdhendni epitafin meritues:
"KËTU PREHEN VARROSËSIT E ATDHEUT"

"Bankat ne Shqiperi me ritmin e ekonomise, por jo vetem"

Bankat ne Shqiperi po preferojne qe parate e depozitave (qe per fat te mire po vijojne rritjen me ritme te kenaqshme, pavaresisht krizave te fundit te ekonomise si kudo ne bote), t'i depozitojne ne institucionet financiare nderkombetare. Por a mund te pretendohet apo te nxiten bankat per nje gjallerim te huadhenies ne nivele relativisht te kenaqshme?! Megjithate vlen te permendet fakti se perpos bankave te medha suprizat gjate vitit 2012 ishin bankat e mesme dhe ato te vogla, me ritme rritjeje te huadhenies te ekonomise dy shifrore. Nje prej tyre Veneto Banka me nje rritje 22.5% nga viti qe shkoi.

Rritja e kenaqshme e depozitave gjate vitit 2012, ka bere ate qe pothuajse te gjitha bankat te perfitojne nga copa e tortes se depozituesve shqiptare. Edhe ketu krahas bankave te medha, vlen te permendet "agresiviteti" i bankave te vogla, dinamike dhe mjaft aktive si Veneto Banka, etj. 37% me shume se viti qe shkoi ishte rritja e kesaj banke e cila edhe kete vit e mbyll ne vendin e pare te renditjes si banka me rritjen me te madhe.

Si pasoje e rritjeve te mesiperme, Veneto Banka ne vitin 2012 shenoi rritjen me te madhe ne sistem per sa i perket aktiveve si dhe pothuajse dyfishim te fitimit ne krahesim me vitin qe shkoi.

Permbledhje, marre nga Revista "Monitor", dhjetor 2012

"A mjafton vota per te qeverisur?"

Thirrja e fundit nga Twitter-i e liderit aktual te opozites, z. Rama solli jo pak peshtjellim tek ata qe e mendojne Ramen kryeminister ne veren e ketij viti qe sapo nisi. Per shume analiste kjo vertetoi ose me sakte i dha te drejte Kac Islamit, se Rames nuk i mjaftojne votat e PSSH-se apo te aleateve te tij te mbetur per te qeverisur. Por une kete deklarate te Rames nuk e marre per frike para disfate, por si deklaraten me te zgjuar taktike te bere prej tij ne keto me pak se 8 vjet ne opozite. Ne keto vite humbjesh edhe pse disa prej tyre ne tavoline.

Rasti ka sjelle ne Shqiperi qe edhe kur i ke votat nuk qeveris dot. Ndoshta eshte parimore per funksionimin e demokracise por realiteti shqiptar ky eshte. Madje te arrihet deri aty sa nuk mjafton mbeshtetja masive per te qeverisur por skemat. Per ato skema qe duket se ka folur Rama me se fundi ne Twitter. Sepse politika ne Shqiperi funksionon me se miri: kush ka gurrin ka dhe arren.

Por kjo nuk ndodh ne Itali. Mjafton te shohim se cfare konfigurimi marrin aleancat momentale apo afatgjata. Si rreshtohen forcat duke u mbeshtetur tek tradicionalja. Prej nga ku votohet per platforme deri tek spostimi i votave sa ne nje force ne tjetren. Per te shkuar tek shperdorimi i mbeshtetjes popullore me vote.

Eshte e vertete. Europianizimi i partive duke i bere ato me moderne dhe me parimore, te mbeshtetura ne programe para-zgjedhore joshin votat e elektoratit. Por kjo nuk ndodh ne Shqiperi. Jo me kot fati i partive te vogla eshte percaktues ne disa raste. Sepse vihet ne funksion te skemes dhe jo te votes se popullit. Asaj qe Rama i druhet me shume. Sepse nese ka ndonje force politike qe meriton pushtetin, ne demokraci te brishta dhe me probleme te shumta korrupsioni, eshte kur opozita qendron gjate ne pritje per te ardhur ne pushtet. Kjo duket se pritet te ndodhe ne Itali. Anipse aty lexohet vota dhe jo skema. Mbeshtetja popullore. Po kjo pritet te ndodhe edhe ne Gjermani. Pse jo ne Maqedoni. Sic ndodhi ne France.

Megjithate kjo skeme teresisht e manovrueshme, e cila ka dhene edhe rezultate ne tavoline qe nuk perputhet me vullnetin dhe voten e zgjedhesve, eshte nje tjeter cmenduri kolektive. Ndoshta edhe pse partite e vogla qe nuk garantojne totalin prej 10%, behen dominuese ne fraksion sekondi. Edhe pse shume prej partive te vogla sot jane pothuajse inekzistente, ndoshta edhe prej skemes. Asaj skeme te ciles Kaci i meshon cdo dite. Skema e cila garanton pushtet pa vota.